Subra su palcu – Gara Poetica 08 Sozu-Masala

Sant’Antiogu in Gavoi

Sende in su palcu manu-manu tiu Peppe Sozu e Marieddu Màsala sa calidade de sa gara fut semper assegurada. Custa de Gavoi pro sa festa de Sant’Antiogu in s’annu 1985 - beranu fritu, duas chidas a pustis de sa die de Pasca - rapresentat un’aterunu cumprou distintu. Sa gara est istada registrada dae Paulu Pillonca, Antoni Ghiani e Antoni Marchi e contivizada dae Paulu Pillonca in s’iscritura e in sos tempos de càntigu. Sa cantada si cumponet de 24 otavas in s’esórdiu, 58 in su primu tema, 54 in su segundu. Contende sa duina, sas batorinas e sas dispedidas sun 1250 versos. Inue s’agatan puntinos de suspesa cheret nàrrere chi b’at unu bóidu in s’incisione. Cando an cantadu in Gavoi tiu Peppe teniat 70 annos (li mancaian duos meses a 71) e Marieddu 49 (nde deviat cumprire 50 a su 23 de su mese de Trìulas).

-

LEGGI IL TESTO