Subra su palcu – Gara Poetica 10 Sozu-Mura

Santu Juanne in Bonorva

Custa est s’ùltima gara manu-manu de tiu Peppe Sozu. A pustis, isse at cantadu un’ateruna ’orta ebbia, a sos chent’annos de sas garas in Othieri, su 15 de Cabidanni de su 1996, cun totu sos àteros cantadores. Cun sa morte de su fizu minore Peppinu, a pagas dies dae custa gara, tiu Peppe detzideit de si retirare, ma tres annos a pustis isse puru onoreit s’ammentu de tiu Antoni Cubeddu. Sa gara cun FrantziscuMura paret unu sinnu de su destinu, comente chi su fadu aeret chérfidu dare a su cantadore silanesu su chi no l’aiat dadu finas a tando segundu su chi meressiat, ponzéndelu de pius a costazu de Sozu ca umpare formaian un’acópiu deghile. Sa gara de Bonorva est istada registrada dae Bachis Morittu e Paulu Pillonca, chi at contivizadu iscritura e tempos de càntigu. Si cumponet de 18 otavas in s’esórdiu, 44 in su primu tema e 34 in su segundu. Cun duina, batorinas e dispedidas sun in totu 913 versos: una cantada azigu pius cultza de su sólitu ca su seranu fut fritu. Cando an cantadu in Bonorva tiu Peppe teniat 79 annos pretzisos e su biadu de Frantziscu 60.

- 

LEGGI IL TESTO