Subra su palcu – Gara Poetica 01 Tucone-Piras

Sos zigantes

Cun tiu Remundu Piras e tiu Barore Tucone s’abberit su séberu de sas garas frimmadas in pabilu in custa regolta de documentos de importu primarzu in s’istória de sa poesia cantada. Sun issos sos zigantes riconnotos de custa sienda manna chi su pópulu nostru possedit pius chi no àteros, grascias a s’idea de tiu Antoni Cubeddu chi in su 1896 in Othieri a che jìghere a piata sas disputas de poesia. Duncas a issos s’onore de abbèrrere s’imprenta de custas prendas de virtude. In custu primu volùmene, Barore Tucone (Buddusò, 1885 - 1969) e Remundu Piras (Biddanoa Monteleone, 1905 - 1978) sun impignados innanti in Samugheo (su 31 de Austu de su 1965, festa de Santu ’Asile) in s’esórdiu e in su tema gherra e paghe e a pustis in Tresnuraghes (su 25 de Austu de su 1963, festa de Antoni Paduanu) in su tema pinna e aradu. Sa gara de Samugheo est istada frunida dae Juanne Pitzalis, su tema de Tresnuraghes dae Antoni Porcu. Ambas disputas sun istadas iscritas dae Paulu Pillonca, chi at contivizadu finas su tempus de càntigu. Sos puntinos de suspesa dan s’indicu de unu bóidu in s’incisione.

-

LEGGI IL TESTO