Subra su palcu – Gara Poetica 04 Sozu-Piras-Masala

Santu Frantziscu in Seddori

Sa gara de su 1977 in Seddori pro Santu Frantziscu - cun tiu Peppe Sozu, tiu Remundu Piras e Marieddu Màsala - podet benner leada pro esémpiu de un’istile de arrejonada téssida a primore comente no est semper chi resessit in sas garas de tres.Ma cando sos cantadores sun de validoria massissa cumbinat gasi puru. Est una gara de calidade alta ma finas de cantidade manna: 45 otavas esordiales, 99 in su primu tema, 51 in su segundu. In totu faghen 1.720 versos. Contende sa duina, sas batorinas e sas dispedidas, che semus in sos milli e noighentos. Custa gara Seddori est istada frunida dae Gianni Boi e iscrita in pabilu dae Beppe Deplano. Paulu Pillonca l’at torrada a leare in manu pro contivizare sos tempos de càntigu. Sos puntinos de suspesa dan s’indicu de unu bóidu in s’incisione. Cando an cantadu in Seddori, tiu Peppe teniat 63 annos, tiu Remundu 71 e Marieddu 42.

-

LEGGI IL TESTO