Subra su palcu – Gara Poetica 11 Sozu-Mura

Santu Basile in Decimoputzu

Sos nùmenes de Peppe Sozu e de Marieddu Màsala sun semper istados una seguresa pro totucantos sos comitados de sas festas: sende issos subra su palcu, sa resessida de sa gara fut garentida. Inoghe nde tenimus un’ateruna proa bella in totu sos mamentos de sa dispùta in versos a bolu. Sa gara de Decimoputzu est istada registrada dae Paulu Pillonca, chi l’at iscrita contivizende sos tempos de càntigu. Si cumponet de 24 otavas esordiales, 52 in su primu tema e 46 in su segundu. Contende duina, batorinas e dispedidas, sun in totu 1. 146 versos. Inue b’at puntinos de suspesa cheret nàrrere chi in s’incisione b’aiat unu bóidu. Cando an cantadu pro sa festa atunzina de Santu Basile in su santuàriu foranu, inue no mancaiat mai sa gara poética logudoresa, tiu Peppe teniat 78 annos e Marieddu 57.

-

LEGGI IL TESTO